Ҳасанбой Дўсматов икки карра олимпия ўйинлари ғолибига айланди. 51 кг. вазнда иштирок этган ҳамюртимиз финалда франциялик Билол Бензамага қарши ажойиб жанг қилди.

Ватандошимиз жанг бошидан охиригача ажойиб услуб эвазига устунликка эга бўлди. Биринчи бўлимда ҳакамларнинг 3 нафари устунликни Ҳасанбойга берган бўлса, иккинчи бўлимда рефериларнинг 4 нафари ўзбек боксчисининг ғалабасини қайд этди. Аммо сўнгги бўлим олдидан Дўсматов ҳали ғалабани кафолатламаган эди. Юртдошимиз учинчи бўлимда ҳам рақибига нисбатан устунлик қилди.

Якуний баҳолар эълон қилинди — 5:0 (30:27, 29:28, 29:28, 29:28, 29:28).

Ҳасанбой Дўсматов илк марта Рио-2016 олимпиадасида чемпионликни қўлга киритганди.