"Fiorentina" "Yuventus" yarim himoyachisi Ueston Makkenni bilan shartnoma imzolashda qiynaladi.

Amerikalik futbolchi "Keksa sinyora" rahbariyati tomonidan sotuvga qo‘yilgan futbolchilar ro‘yxatiga kiritilgan. 25 yoshli futbolchiga "Fiorentina" qiziqish bildirmoqda, ammo "binafsharanglilar" yarim himoyachini ko‘ndirish uchun ko‘p harakat qilishlari kerak. Jurnalist Nikolo Skiraga ko‘ra, Makkennining transferga ishonchi komil emas. Agar u yiliga 4-5 million yevro maosh talab qilishda davom etsa, kelishuv amalga oshishi dargumon.

Ueston Makkennining "Yuventus" bilan shartnomasi 2024/25 yilgi mavsum oxirida tugaydi. Futbolchi “byankonerilar” safida 134 ta o‘yinda maydonga tushib, 13 ta gol urdi va 15 ta golli uzatmani amalga oshirdi.