"Фиорентина" "Ювентус" ярим ҳимоячиси Уэстон Маккенни билан шартнома имзолашда қийналади.

Америкалик футболчи "Кекса синьора" раҳбарияти томонидан сотувга қўйилган футболчилар рўйхатига киритилган. 25 ёшли футболчига "Фиорентина" қизиқиш билдирмоқда, аммо "бинафшаранглилар" ярим ҳимоячини кўндириш учун кўп ҳаракат қилишлари керак. Журналист Николо Скирага кўра, Маккеннининг трансферга ишончи комил эмас. Агар у йилига 4-5 миллион евро маош талаб қилишда давом этса, келишув амалга ошиши даргумон.

Уэстон Маккеннининг "Ювентус" билан шартномаси 2024/25 йилги мавсум охирида тугайди. Футболчи “бьянконерилар” сафида 134 та ўйинда майдонга тушиб, 13 та гол урди ва 15 та голли узатмани амалга оширди.