"Real Sosyedad" yarim himoyachisi Martin Subimendi "Liverpul"ga o‘tish niyatida.

Mish-mishlarga ko‘ra, "qizillar" Ispaniya terma jamoasi futbolchisi uchun 60 million yevro miqdorida tovon puli to‘lashga tayyor. Insayder Florian Plettenbergning so‘zlariga ko‘ra, kelishuv shu narxda bo‘ladimi-yo‘qmi, hozircha aniq emas – muzokaralardan so‘ng klublar boshqa shartlarni kelishib olishi mumkin. Shu bilan birga, manbaga ko‘ra, Subimendining o‘zi ham "Liverpul"ga o‘tishga qaror qilgan. 25 yoshli yarim himoyachi transfer yaqin orada amalga oshishiga umid qilmoqda.

Martin Subimendi “Real Sosyedad” safida jami 188 ta o‘yin o‘tkazib, 8 ta gol va 7 ta golli uzatmani amalga oshirgan.