"Реал Сосьедад" ярим ҳимоячиси Мартин Субименди "Ливерпуль"га ўтиш ниятида.

Миш-мишларга кўра, "қизиллар" Испания терма жамоаси футболчиси учун 60 миллион евро миқдорида товон пули тўлашга тайёр. Инсайдер Флориан Плеттенбергнинг сўзларига кўра, келишув шу нархда бўладими-йўқми, ҳозирча аниқ эмас – музокаралардан сўнг клублар бошқа шартларни келишиб олиши мумкин. Шу билан бирга, манбага кўра, Субимендининг ўзи ҳам "Ливерпуль"га ўтишга қарор қилган. 25 ёшли ярим ҳимоячи трансфер яқин орада амалга ошишига умид қилмоқда.

Мартин Субименди “Реал Сосьедад” сафида жами 188 та ўйин ўтказиб, 8 та гол ва 7 та голли узатмани амалга оширган.