«Manchester Yunayted» bosh murabbiyi Erik ten Xag Meyson Mauntdan umidlari bilan o‘rtoqlashdi.
Yarim himoyachini o‘tgan yozda «qizil iblislar» «Chelsi»dan sotib olgandi. Transfer narxi deyarli 65 million evroni tashkil qildi. Angliyalik futbolchi mankunianliklar bilan debyut mavsumini muvaffaqiyatsiz o‘tkazdi, jarohatlar tufayli aksariyat o‘yinlarni o‘tkazib yubordi.
«Biz Mauntning yuqori saviyali futbolchi ekanligini bilamiz. O‘tgan mavsum barcha jarohatlar tufayli u uchun juda yomon o‘tdi, endi esa mavsumoldi jarayonni qanday o‘tkazganidan juda xursandmiz. Ishonchim komilki, u ko‘p narsaga qodir», - deya ten Xag so‘zlarini keltiradi jurnalist Fabrisio Romano.
