«Манчестер Юнайтед» бош мураббийи Эрик тен Хаг Мэйсон Маунтдан умидлари билан ўртоқлашди.
Ярим ҳимоячини ўтган ёзда «қизил иблислар» «Челси»дан сотиб олганди. Трансфер нархи деярли 65 миллион эврони ташкил қилди. Англиялик футболчи манкунианликлар билан дебют мавсумини муваффақиятсиз ўтказди, жароҳатлар туфайли аксарият ўйинларни ўтказиб юборди.
«Биз Маунтнинг юқори савияли футболчи эканлигини биламиз. Ўтган мавсум барча жароҳатлар туфайли у учун жуда ёмон ўтди, энди эса мавсумолди жараённи қандай ўтказганидан жуда хурсандмиз. Ишончим комилки, у кўп нарсага қодир», - дея тен Хаг сўзларини келтиради журналист Фабрицио Романо.
