Antoni o‘tgan mavsumda qiyin sinovlardan o‘tganini aytdi.

Braziliyalik futbolchining aytishicha, uning sobiq sherigi oiladagi zo‘ravonlik haqidagi da’volar uning "Manchester Yunayted"dagi ikkinchi mavsumiga putur yetkazgan.

Eslatib o‘tamiz, 2023 yilning iyun oyida Antonining sobiq sevgilisi Gabriela Kavallin "MYU" futbolchisini oiladagi zo‘ravonlik va tahdidlarda ayblagan edi. Klub Antonini diskvalifikasiya qildi. Braziliyalik ayblovlarni rad etdi: "Munosabatlar shiddatli, haqoratlarga boy edi, lekin men hech qachon jismoniy tajovuz qilmadim. Gabriela har safar versiyalarini o‘zgartiradi."

"Albatta. O‘tgan yil davomida shaxsiy hayotimda ko‘p narsa yuz berdi. Sizga yoqadimi yoki yo‘qmi, men boshdan kechirgan hamma narsa o‘yinga ta’sir qildi. Men va butun oilam uchun juda qiyin bo‘ldi, lekin men hammasidan o‘rgandim. Men ulg‘ayib, kamolotga erishdim.

Ishonamanki, men bu sinovdan ko‘p narsani o‘rgandim. Men boshimdan kechirgan har bir narsadan o‘rganaman va agar siz xohlagan narsangizga erishishda qat’iyatli bo‘lsangiz, hamma narsa mumkinligini tushunaman. Men o‘tmishni, o‘tgan mavsumda boshimdan kechirganlarni ortda qoldirdim.

Yaxshi daqiqalar ham bo‘ldi. "MYU" libosida sovrin yutish juda muhim.

Men bularning barchasi orqali o‘sdim va yetuk bo‘ldim va bu meni yangi mavsumda kuchliroq qiladi. Men hozir ko‘proq diqqatimni jamlaganman va katta maqsadlarga erishishga tayyorman" - dedi "Manchester Yunayted" vingeri.