Madridning “Atletiko” klubining sobiq markaziy himoyachisi Mario Ermoso yangi klub izlashda davom etmoqda.
Ispaniyalik futbolchi uzoq vaqtdan beri Milanning "Inter" klubining transfer maqsadi hisoblanardi, biroq "neradzurrilar" oxir-oqibat shartnomadan voz kechishga qaror qilishdi. Jurnalist Nikolo Skiraning so‘zlariga ko‘ra, Ermosoning xizmatlari yaqinda A Seriyaning boshqa klubi “Yuventus”ga taklif qilingan. "Keksa senyora" vakillari bu imkoniyatni ko‘rib chiqib, yaqin kunlarda javob berishadi.
Mario Ermoso 2019 yildan beri “Atletiko”da o‘ynab kelayotgandi. U shu yozda erkin agentga aylandi.
