"Valensiya" va Gruziya terma jamoasi darvozaboni Giorgi Mamardashvili "Liverpul"ga o‘tish imkoniyatiga ijobiy qaraydi. Bu haqda Football Espana jurnalist Fabrisio Romanoga tayanib xabar bermoqda.
Manba bergan xabarga ko‘ra, mersisaydliklar gruziyalik darvozabonni sotib olib, keyin uni boshqa klubga ijaraga berish variantini ko‘rib chiqmoqda. Ta’kidlanishicha, "Liverpul" Mamardashvilini 30 million yevroga sotib olishi mumkinligini biladi.
Futbolchining ispan klubi bilan shartnomasi 2027 yilning yoziga qadar mo‘ljallangan.
