11 avgust kuni «Andijon» Toshkentda Superliganing 15-tur doirasida «Bunyodkor» klubiga qarshi maydonga tushadi.

«Burgutlar» hamda «Qaldirg‘ochlar» o‘rtasidagi to‘qnashuvning birinchi davrasida Andijonda bo‘lib o‘tgan bahsda mezbonlar yirik 5:1 hisobida g‘alaba qozongan. Luka Zgurskiy, Vladimir Bubanya, Islom Mamatkazin, Muhammadkarim Toirov va Armin Boshnyakning gollari «Andijon»ga yirik hisobdagi g‘alabani taqdim qilgan.

Shu kungacha jamoalar chempionatda 27 marotaba bellashishgan. «Bunyodkor»da 20, «Andijon»da 1 ta g‘alaba bor. 6 ta o‘yinda kuchlar teng kelgan. To‘plar nisbati 53-14, mezbonlar foydasiga.

Toshkentdagi uchrashuvlarda «Andijon» faqat bir marta – 2012 yilgi mavsumda 0:0 hisobida durang o‘ynagan.

Eslatib o‘tamiz, «Bunyodkor» – «Andijon» bellashuvi bugun soat 20:00 da boshlanadi.