"Beshiktosh" "Yuventus" vingeri Federiko Kyezaga qiziqish bildirayotgani haqidagi ma’lumotga izoh berdi.
“Keksa sinyora” sotuvga qo‘ygan 26 yoshli futbolchiga da’vogarlar qatorida turk klubi ham ko‘rsatildi. Iyul oyi oxirida Kyeza "Beshiktosh" taklifini rad etgani haqida xabar berilgandi.
"Yaqinda Federiko Kyeza haqida gap bo‘ldi va shuni ta’kidlamoqchimanki, futbolchi 9 million yevro maosh so‘radi va bundan tashqari 15 million yevro kutilayotgan transfer narxi. Unga yettita klub qiziqish bildirmoqda. Biz o‘z takliflarimizni berdik, ammo so‘rovlar unchalik asosli emas – ularni qondirish deyarli mumkin emas”, — dedi “Beshiktosh” vise-prezidenti Huseyin Yudjel.
