Fransiyalik suzuvchi, 2024 yilgi Olimpiya o‘yinlarining to‘rt karra chempioni Leon Marshan o‘z ishtiroki haqidagi taassurotlari bilan o‘rtoqlashdi.
"O‘tgan hafta Parijni biroz o‘zgartirdim. Lekin buni nafaqat men, balki barcha sportchilar qilishdi. Odamlarning shunchalik suzishni tomosha qilayotganini ko‘rib, xursand bo‘ldim.
O‘yinlarda ishtirok etishni tugatganimdan so‘ng, raqobat naqadar ajoyib ekanini anglab yetdim", — deya Marshanning so‘zlarini keltiradi Le Parisien.
22 yoshli Marshan kompleks usulda 400 m, brass usulida 200 m, batterflyay usulida 200 m va 200 m ga aralash usulda suzishda g‘olib chiqdi.
Fransuz barcha yo‘nalishlarda Olimpiya rekordlarini o‘rnatdi. U Fransiya tarixida bitta Olimpiadada to‘rtta oltin medalni qo‘lga kiritgan birinchi sportchi bo‘ldi.
