Франциялик сузувчи, 2024 йилги Олимпия ўйинларининг тўрт карра чемпиони Леон Маршан ўз иштироки ҳақидаги таассуротлари билан ўртоқлашди.
"Ўтган ҳафта Парижни бироз ўзгартирдим. Лекин буни нафақат мен, балки барча спортчилар қилишди. Одамларнинг шунчалик сузишни томоша қилаётганини кўриб, хурсанд бўлдим.
Ўйинларда иштирок этишни тугатганимдан сўнг, рақобат нақадар ажойиб эканини англаб етдим", — дея Маршаннинг сўзларини келтиради Le Parisien.
22 ёшли Маршан комплекс усулда 400 м, брасс усулида 200 м, баттерфляй усулида 200 м ва 200 м га аралаш усулда сузишда ғолиб чиқди.
Француз барча йўналишларда Олимпия рекордларини ўрнатди. У Франция тарихида битта Олимпиадада тўртта олтин медални қўлга киритган биринчи спортчи бўлди.
