Superligada 15-tur o‘yinlari davom ettirildi. "Andijon" klubi bu tur safarda "Bunyodkor"ga qarshi bahs olib bordi va 0:2 hisobida imkoniyatni boy berdi. Bellashuvdan so‘ng jamoa bosh murabbiyi Aleksandr Xomyakov matbuot anjumanida ishtirok etdi.

Hammasini ko‘rdingiz. Bugun, bizda hech narsa o‘xshamadi. O‘ylaymanki, raqib haqli ravishda g‘alaba qozondi. Bu bilan ularni tabriklayman.

Bugun qanot yarim himoyachilari ko‘ngildagidek o‘yin ko‘rsatmagandek tuyuldi?!

Haqiqatdan ham, bugun ularni men maydonda ko‘rmadim. Bilmadim bu nima bilan bog‘liq. Kubok o‘yinida katta kuch yo‘qotishdi deb o‘ylamayman. To‘g‘risi, bugun hech kimni alohida ko‘rsatmagan bo‘lar edim. Markaziy himoyachilarimiz raqib hujumchilariga ikkinchi qavatda yutqazdi. Asabiylashishdi. Bu jamoaga ta’sir ko‘rsatdi. Standartdan birinchi va ikkinchi to‘pni o‘tkazib yubordik. Bugun futbol namoyish eta olmadik. Yakkakurashlarda yutqazdik. Muammo shunda.

"Andijon" doim oxirgacha jang qiladi. Nega "Qizilqum" ustidan qozonilg‘an g‘alaba jamoaga ijobiy ta’sir ko‘rsatmadi?

To‘g‘risi, bugun jamoamni men o‘zim tanimadim. Qandaydir ortiqcha o‘z kuchiga ishonch ko‘rindi. Doim kuchli tomonlarimiz borligi sababli munosib ko‘rsatdik. Balki, bo‘shashdik, yoki mensimadik raqibni. O‘yini ko‘rib chiqib, tahlil qilamiz.

Ikkinchi taym uchun tanaffusda qanday ko‘rsatma berdingiz?

Mana shunisi juda alamli. Biz birinchi taymda gol o‘tkazib yuborishga yaqin kelmagan edik. Ko‘proq agressiv harakatlarga e’tibor qaratmoqchi edik. Ikkinchi bo‘lim boshida o‘tkazib yuborgan golimiz ta’sir qildi. Shoshilmasdan, qarshi hujumga o‘tishni reja qilgan edik. Bugun, meni jamoa xayron qoldirdi. O‘tirib, hammasini ko‘rib chiqishimiz kerak.

Bugun zaxiradan qo‘shilganlar qanchalik o‘yinga ta’sir qildi? Ikkinchi davrada kelgan futbolchilar haqida fikringiz qanday?

Ko‘rdingiz, bugun jamoani kuchaytirishga harakat qildik, ammo o‘xshamadi. Emosional xolatda hisobni qisqartirishga harakat qildik. Biroz aktivlik qo‘shib, agressiyani oshirgan xolda oldinda harakat qilish kerak edi. Afsuski, raqib chuqur himoyalangani uchun buni uddalashni imkoni bo‘lmadi.

Farhod Bekmurodov haqida fikringiz bormi?

Bugun markaziy zonaga boshqa futbolchilarni sinab ko‘rishni istadik. Biz vaziyatdan kelib chiqib, ularni o‘yinga qo‘shamiz. Ortiqcha hech narsa yo‘q. Kim kuchli bo‘lsa, aynan u maydonda harakat qiladi.