Суперлигада 15-тур ўйинлари давом эттирилди. "Андижон" клуби бу тур сафарда "Бунёдкор"га қарши баҳс олиб борди ва 0:2 ҳисобида имкониятни бой берди. Беллашувдан сўнг жамоа бош мураббийи Александр Хомяков матбуот анжуманида иштирок этди.
Ҳаммасини кўрдингиз. Бугун, бизда ҳеч нарса ўхшамади. Ўйлайманки, рақиб ҳақли равишда ғалаба қозонди. Бу билан уларни табриклайман.
Бугун қанот ярим ҳимоячилари кўнгилдагидек ўйин кўрсатмагандек туюлди?!
Ҳақиқатдан ҳам, бугун уларни мен майдонда кўрмадим. Билмадим бу нима билан боғлиқ. Кубок ўйинида катта куч йўқотишди деб ўйламайман. Тўғриси, бугун ҳеч кимни алоҳида кўрсатмаган бўлар эдим. Марказий ҳимоячиларимиз рақиб ҳужумчиларига иккинчи қаватда ютқазди. Асабийлашишди. Бу жамоага таъсир кўрсатди. Стандартдан биринчи ва иккинчи тўпни ўтказиб юбордик. Бугун футбол намойиш эта олмадик. Яккакурашларда ютқаздик. Муаммо шунда.
"Андижон" доим охиргача жанг қилади. Нега "Қизилқум" устидан қозонилған ғалаба жамоага ижобий таъсир кўрсатмади?
Тўғриси, бугун жамоамни мен ўзим танимадим. Қандайдир ортиқча ўз кучига ишонч кўринди. Доим кучли томонларимиз борлиги сабабли муносиб кўрсатдик. Балки, бўшашдик, ёки менсимадик рақибни. Ўйини кўриб чиқиб, таҳлил қиламиз.
Иккинчи тайм учун танаффусда қандай кўрсатма бердингиз?
Мана шуниси жуда аламли. Биз биринчи таймда гол ўтказиб юборишга яқин келмаган эдик. Кўпроқ агрессив ҳаракатларга эътибор қаратмоқчи эдик. Иккинчи бўлим бошида ўтказиб юборган голимиз таъсир қилди. Шошилмасдан, қарши ҳужумга ўтишни режа қилган эдик. Бугун, мени жамоа хайрон қолдирди. Ўтириб, ҳаммасини кўриб чиқишимиз керак.
Бугун захирадан қўшилганлар қанчалик ўйинга таъсир қилди? Иккинчи даврада келган футболчилар ҳақида фикрингиз қандай?
Кўрдингиз, бугун жамоани кучайтиришга ҳаракат қилдик, аммо ўхшамади. Эмосионал холатда ҳисобни қисқартиришга ҳаракат қилдик. Бироз активлик қўшиб, агрессияни оширган холда олдинда ҳаракат қилиш керак эди. Афсуски, рақиб чуқур ҳимоялангани учун буни уддалашни имкони бўлмади.
Фарҳод Бекмуродов ҳақида фикрингиз борми?
Бугун марказий зонага бошқа футболчиларни синаб кўришни истадик. Биз вазиятдан келиб чиқиб, уларни ўйинга қўшамиз. Ортиқча ҳеч нарса йўқ. Ким кучли бўлса, айнан у майдонда ҳаракат қилади.
