"Bayer" hujumchisi Adam Glojek faoliyatini Angliya chempionatida davom ettirishi mumkin, deb xabar beradi Germaniya OAVsi.
22 yoshli chexiyalik futbolchiga Premyer-liganing bir qator nomi oshkor etilmagan klublari qiziqish bildirmoqda. Leverkuzenliklar 17-18 million yevrolik taklif tushsa, futbolchini qo‘yib yuborishga tayyor.
Glojek 2022 yilning iyulidan beri Leverkuzenning "Bayer" klubida o‘ynab kelmoqda. 2023/24 yilgi mavsumda hujumchi jamoasi safida 36 uchrashuvda 7 ta gol urdi va 5 ta golli uzatmani amalga oshirdi.
Transfermarkt portali futbolchining narxini 12 million yevroga baholamoqda.
