"Байер" ҳужумчиси Адам Гложек фаолиятини Англия чемпионатида давом эттириши мумкин, деб хабар беради Германия ОАВси.
22 ёшли чехиялик футболчига Премьер-лиганинг бир қатор номи ошкор этилмаган клублари қизиқиш билдирмоқда. Леверкузенликлар 17-18 миллион евролик таклиф тушса, футболчини қўйиб юборишга тайёр.
Гложек 2022 йилнинг июлидан бери Леверкузеннинг "Байер" клубида ўйнаб келмоқда. 2023/24 йилги мавсумда ҳужумчи жамоаси сафида 36 учрашувда 7 та гол урди ва 5 та голли узатмани амалга оширди.
Transfermarkt портали футболчининг нархини 12 миллион еврога баҳоламоқда.
