Moldova og‘ir atletika federasiyasi prezidenti Antonio Konflitti Parijdagi Olimpiadada og‘ir atletika bo‘yicha o‘tkazilgan dasturlar natijalari yuzasidan Sport arbitraj sudiga qilingan murojaat haqida gapirdi.
"Kecha biz Milliy olimpiya qo‘mitasi orqali Xalqaro federasiyaning texnik komissiyasiga shikoyat qilgan edik, ammo bugun biz Olimpiya o‘yinlariga biriktirilgan Xalqaro sport sudining maxsus komissiyasida prosedurani boshlaymiz.
Biz kurashamiz. Marin bronza medalini qo‘lga kiritish huquqiga ega va biz bu medal uchun kurashishimiz kerak.
G‘alaba uchun sabablar bor, chunki hakamlar hay’atining noto‘g‘ri bahosidan tashqari, hakamlar hay’ati tomonidan prosessual qoidabuzarliklar ham mavjud va bu juda jiddiy", — deya Konflittining so‘zlarini keltiradi TV8.md.
Eslatib o‘tamiz, uchinchi o‘rinni italiyalik Antonio Pissolato egalladi. Moldova vakili Marin Robu esa to‘rtinchi o‘rinni egalladi.
