Superliga 15-turida "Surxon" jamoasi o‘z maydonida "Qizilqum" klubini qabul qildi va minimal hisobda g‘alaba qozondi. Bellashuvdan so‘ng jamoa bosh murabbiyi Fevzi Davletov matbuot anjumanida ishtirok etdi.

Navbatdagi muhim bahs va muhim g‘alabaga erishdik. Shu bois, turnir jadvalida yuqoriga ko‘tarildik. Ajoyib o‘tgan birinchi bo‘limda hujum chizig‘idagi yakunning yo‘qligi ko‘zga tashlandi. Tanaffusdan keyin biroz birinchi va ikkinchi zonaga o‘tishda xatolarga yo‘l qo‘ydik. Yaxshiyamki, gol urib oldik. Vaholanki, birinchi bo‘limni o‘zida bu ishni uddalashimiz kerak edi. Muxlislarimiz va yigitlarga minnatdorchilik bildirmoqchiman.

Farruh Ikromovni nega almashtirdingiz?

Hozircha hech narsa aniq emas. Ertaga ma’lum bo‘ladi.

"Qizilqum"ning birinchi va ikkinchi davradagi o‘yini o‘rtasida farq qanday?

Albatta farq bor. Biz birinchi bo‘limda o‘yinni boshqardik, ammo ikkinchi bo‘limda Qizilqum agressiya va bosim qo‘shdi. Biz ko‘p xato qildik. Raqib bugun g‘alaba qozonishni juda istagan edi. Har bir jamoa har bir o‘yinda 6 ochko uchun maydonga tushmoqda.

Jamoangiz kubokda yarim finalga chiqdi. E’tibor kubok yoki ligaga ko‘proq qaratilgan?

Biz uchun har bir o‘yin muhim. Oson bo‘ladigan o‘yinlar qolmadi.

Jamoaga o‘z taktikangizni singdira oldim deb olasizmi?

Ikkinchi bo‘limda ayrim epizodlarda xa, ammo birinchi bo‘limda to‘liq deb ayta olaman. Afsuski, ikkinchi bo‘lim startidagi 15 daqiqa haqida yigitlarni ogohlantirgan edik. Oldinda, bizni "Andijon" bilan juda muhim bahs kutmoqda. Vodiyga safar ancha kuchni oladi.

Termizdan kelgan muxlislar fikringiz qanday?

O‘ylashimcha, biz Termizga yaqinlashyapmiz. Toshkentdan uzoqlashdik. Ular har bir o‘yinda bizni qo‘llab-quvvatlashmoqda. Ularning qo‘llab-quvvatlashi futbolchilarimizni ruhlantirdi.