Superligada 15-tur yakunlandi. Turning so‘nggi bahsi Samarqandda kechdi. Unda "Qizilqum" jamoasi "Surxon" bilan kuch sinashdi va 0:1 hisobida imkoniyatni boy berdi. Bellashuvdan so‘ng jamoa bosh murabbiyi Jamshid Saidov matbuot anjumanida ishtirok etdi.
Birinchi bo‘limda juda yomon boshladik. Surxon vaziyatlarda ustunlik qildi. Vaholanki, imkoniyatlara ega bo‘ldik. Ikkinchi bo‘limda yaxshi o‘ynagan bo‘lsak ham gol o‘tkazib yubordik.
Kuxianidzeni ertaroq oldingiz?!
Menimcha, u charchab qolgan edi. Uning o‘rniga tushgan futbolchi o‘zini yaxshi ko‘rsatdi. Gol ham urdi, hisoblanmagan bo‘lsa ham. Yoshroq futbolchini tushurib, o‘yinni kuchaytirdik.
Bo‘lib o‘tgan kubokdagi uchrashuvda juda ko‘p asosiy tarkib o‘yinchilari dam oldi. Ular tonusda bo‘lgani yaxshiroq emasmidi?
To‘g‘risi, bu savolingizga javob bermoqchi emasman. Bu futbol. Balki sizni gapingizda jon bordir, balki yo‘q. Hamma xato qiladi. Bunday fikr menda ham bor edi. Buni oldindan ko‘rib bo‘lmaydi. Agar hammasini oldindan bilganimda, Vanga sifatida ishlagan bo‘lar edim.
"Qizilqum" ikkinchi bo‘limda keskinlikni oshirdi. Tanaffusda nimani o‘zgartirdingiz?
Birinchi bo‘limni yomon boshladik. Ikkinchi taymda kerakli o‘zgarishlarni amalga oshirdik. Vaziyatlarni yaratishni boshladik. Afsuski, so‘nggi zarba yoki uzatma yetishmadi. Ikkinchi taymda to‘liq o‘yinni boshqardik.
