Myunxenning "Bavariya" klubi markaziy himoyachi Jonatan Taning transferi borasida "Bayer" bilan haligacha kelisha olmayapti.

Bild nashri xabariga ko‘ra, klub boshliqlari haligacha kelishuvga erishmagan. 7 hafta oldin "Bavariya" 20 million yevro + 5 million bonus taklif qilgandi, ammo "Bayer" myunxenliklarning taklifini rad etdi.

Agar Vensan Kompani jamoasi yaqin kunlarda o‘z taklifini yaxshilamasa, Ta klubning muzokaralardagi passiv pozisiyasini inobatga olib, "Bavariya"ga o‘tish-qolmasligini jiddiy o‘ylab ko‘radi. "Bayer" hali ham kelasi yozda shartnomasi tugaydigan Tani sotish imkoniyatini istisno etmayapti. "Bavariya" yaqinda Matteys de Ligt va Nusser Mazrauini "Manchester Yunayted"ga sotib yubordi, ammo bundan keyin ham myunxenliklar Jonatanni qo‘lga kiritish uchun qadam tashlamadi.