Мюнхеннинг "Бавария" клуби марказий ҳимоячи Жонатан Танинг трансфери борасида "Байер" билан ҳалигача келиша олмаяпти.
Bild нашри хабарига кўра, клуб бошлиқлари ҳалигача келишувга эришмаган. 7 ҳафта олдин "Бавария" 20 миллион евро + 5 миллион бонус таклиф қилганди, аммо "Байер" мюнхенликларнинг таклифини рад этди.
Агар Венсан Компани жамоаси яқин кунларда ўз таклифини яхшиламаса, Та клубнинг музокаралардаги пассив позициясини инобатга олиб, "Бавария"га ўтиш-қолмаслигини жиддий ўйлаб кўради. "Байер" ҳали ҳам келаси ёзда шартномаси тугайдиган Тани сотиш имкониятини истисно этмаяпти. "Бавария" яқинда Маттейс де Лигт ва Нуссер Мазрауини "Манчестер Юнайтед"га сотиб юборди, аммо бундан кейин ҳам мюнхенликлар Жонатанни қўлга киритиш учун қадам ташламади.
