Londonning "Chelsi" klubi hujumchi Joau Feliksni transfer qilish taklifi bilan "Atletiko Madrid"ga murojaat qildi.
O Jogo nashri xabariga ko‘ra, "ko‘klar" portugaliyalik futbolchi uchun 65 million yevro tovon puli taklif qilgan.
Eslatib o‘tamiz, avvalroq "Chelsi" "Atletiko Madrid" bilan Samuel Omorodion transferi bo‘yicha kelishib olgandi, biroq imidj huquqlari bo‘yicha kelishmovchiliklar tufayli kelishuv amalga oshmay qoldi. Agar "ko‘klar" "Atletiko"dan Joau Feliksni sotib olmasalar, Konor Gallaxerni "Atletiko"ga o‘tkazish bo‘yicha kelishuv ham barbod bo‘lishi mumkin.
Avvalroq Feliks 2022/23 yilgi mavsumda ijara asosida o‘ynagan "Chelsi"ga qaytish uchun maoshini kamaytirishga tayyorligi xabar qilingandi.
