Лондоннинг "Челси" клуби ҳужумчи Жоау Феликсни трансфер қилиш таклифи билан "Атлетико Мадрид"га мурожаат қилди.
O Jogo нашри хабарига кўра, "кўклар" португалиялик футболчи учун 65 миллион евро товон пули таклиф қилган.
Эслатиб ўтамиз, аввалроқ "Челси" "Атлетико Мадрид" билан Самуэль Омородион трансфери бўйича келишиб олганди, бироқ имидж ҳуқуқлари бўйича келишмовчиликлар туфайли келишув амалга ошмай қолди. Агар "кўклар" "Атлетико"дан Жоау Феликсни сотиб олмасалар, Конор Галлахерни "Атлетико"га ўтказиш бўйича келишув ҳам барбод бўлиши мумкин.
Аввалроқ Феликс 2022/23 йилги мавсумда ижара асосида ўйнаган "Челси"га қайтиш учун маошини камайтиришга тайёрлиги хабар қилинганди.
