Musobaqaning sport kurashlari bellashuvlari O‘zbekiston uchun ham omadli, ham omadsiz o‘tdi, deyish mumkin.

Omadli o‘tganining sababi, unda ishtirok etgan sportchilarimiz 1 ta oltin va 1 ta bronza medaliga ega chiqdi. Omadsiz tarafi esa uch nafar kurashchimiz bronza medali uchun jang qilib, mag‘lub bo‘ldi.

Umuman olganda, Parij Olimpiadasida erkin kurashchilarimiz — G‘ulomjon Abdullayev (57 kg) bronza medaliga ega chiqqan bo‘lsa, Razambek Jamalovga (74 kg) teng keladigani topilmadi.

G‘ulomjon Abdullayevning bronzasi o‘zbek kurashchilarining Olimpiadada qo‘lga kiritgan beshinchi bronza medaliga aylandi. Razambek Jamalovga qadar esa O‘zbekiston terma jamoasi a’zolari Olimpiadalarda ikkita oltin medalga ega chiqqan edi (2004).

Sport kurashlarida shu kunga qadar medal qo‘lga kiritgan sportchilarimiz ro‘yxati:

Sidney-2000: 

Artur Taymazov (kumush).

Afina-2004: 

Artur Taymazov (oltin)

Aleksandr Dokturashvili (oltin)

Magomed A. Ibragimov (kumush).

Rio-2016:

Elmurat Tasmuratov (bronza)

Ixtiyor Navro‘zov (bronza)

Magomed I. Ibragimov (bronza).

Tokio-2020:

Bekzod Abdurahmonov (bronza).

Parij-2024:

Razambek Jamalov (oltin)

G‘ulomjon Abdullayev (bronza).