Serji Roberto "Barselona" bilan xayrlashish marosimida yig‘ladi.
32 yoshli himoyachi Kataloniya klubi bilan shartnomasi tugagach, erkin agentga aylandi.
"Bu yerda bo‘lgan barchaga rahmat. So‘nggi yillarda afsonalar o‘tib ketganini ko‘rdim va bugun navbat menga. Tug‘ilganimdan beri muxlism bo‘lganim uchun doim "Barselona"ni kuzatib boraman.
14 yoshimda orzumga erishdim va har kuni mening eng yaqin do‘stlarimga aylangan jamoadoshlarim bilan zavqlanardim. La Masia har doim klubning yuragi bo‘lib qoladi, u yerda men klubning barcha qadriyatlarini o‘rgandim.
17 yoshimda Luis Enrike bilan professional debyut qilganman. 18 yoshimda Gvardiola qo‘l ostida asosiy jamoada debyut qilganman. Bu alohida kun edi va men juda faxrlandim.
Men do‘stlarim bo‘lgan kumirlarim bilan kiyinish xonasini baham ko‘rdim. Men sehrli oqshomlarni o‘tkazdim. 25 ta chempionlikni qo‘lga kiritib, 373 ta o‘yin o‘tkazishimni kim o‘ylabdi.
Hozir yangi tajriba vaqti keldi. Xulosa qilib shuni aytmoqchimanki, men g‘urur va xursandchilik bilan ketyapman. Men unga borimni berdim.
"Barselona" har doim hayotimdagi klub bo‘lib qoladi. Ishonchim komilki, yo‘llarimiz yana kesishadi", - deydi "Barselona"ning sobiq himoyachisi Serji Roberto.
Faoliyati davomida klubda o‘ynagan "Barselona" tarbiyalanuvchisi nutq so‘zlaganida yig‘lay boshladi.
