«Fulxem» «Kristal Pelas» himoyachisi Yoakim Andersen uchun taklifini 25 million funtga oshirdi.
Xorxe Kuenka bilan shartnoma imzolagan «Fulxem» yozda Tosin Adarabioyo va Tim Rim bilan xayrlashgandan so‘ng markaziy himoyasini kuchaytirishga harakat qilmoqda.
«Fulxem»ning Andersen uchun 20 million funt sterlinglik taklifi rad etildi va bu safar, "The Athletic" xabariga ko‘ra, jamoa 25 million funt sterling, jumladan, 5 million funt sterling bonuslar taklifini yuborgan.
Bu shartnomani imzolash uchun yetarli bo‘lishi dargumon, «Pelas» 28 yoshli daniyalik himoyachini 40 million funtga yaqinroq baholamoqda.
Andersen 2020/21 yilgi mavsumni aynan «Fulxem»da «Lion»dan ijara asosida o‘tkazgandi.
