«Фулхэм» «Кристал Пэлас» ҳимоячиси Йоаким Андерсен учун таклифини 25 миллион фунтга оширди.

Хорхе Куэнка билан шартнома имзолаган «Фулхэм» ёзда Тосин Адарабиойо ва Тим Рим билан хайрлашгандан сўнг марказий ҳимоясини кучайтиришга ҳаракат қилмоқда.

«Фулхэм»нинг Андерсен учун 20 миллион фунт стерлинглик таклифи рад этилди ва бу сафар, "The Athletic" хабарига кўра, жамоа 25 миллион фунт стерлинг, жумладан, 5 миллион фунт стерлинг бонуслар таклифини юборган.

Бу шартномани имзолаш учун етарли бўлиши даргумон, «Пэлас» 28 ёшли даниялик ҳимоячини 40 миллион фунтга яқинроқ баҳоламоқда.

Андерсен 2020/21 йилги мавсумни айнан «Фулхэм»да «Лион»дан ижара асосида ўтказганди.