Lamin Yamalning otasi pichoqlangan.
La Vanguardia xabariga ko‘ra, "Barselona" futbolchisining otasi Munir Nasraui Mataro shahridagi avtoturargohda pichoqlangan. Erkak kasalxonaga yotqizilgan.
Polisiyada allaqachon bir nechta gumondorlar bor va huquq-tartibot idoralari tergov olib bormoqda. Pichoqbozlik haqidagi xabardan bir necha soat o‘tgach, Relevo Yamalning otasi allaqachon kasalxonadan chiqqanini va uyda ekanligi haqida xabar berdi.
UPD. Keyinroq Relevo'ning aniqlik kiritishicha, Nasrauining kasalxonadan chiqqanligi haqidagi ma’lumotlar noto‘g‘ri bo‘lib chiqdi. Futbolchining otasi shifoxonada qolmoqda, ammo uning hayoti xavf ostida emas.
