«Jirona» ukrainalik Artyom Dovbik «Roma»ga sotilganidan so‘ng yangi markaziy hujumchi sotib oldi. Shimoliy makedoniyalik hujumchi Boyan Miovski kataloniyaliklarning yangi futbolchisiga aylandi.

Miovski Primerada o‘tgan mavsum bronza medali sohibi bilan to‘rt yillik shartnoma imzoladi. Transfer summasi 8 million yevroga baholangan bo‘lsa, futbolchining "Transfermarkt" ma’lumotlariga ko‘ra narxi 4 million yevroga baholanmoqda. Shimoliy makedoniyalikning avvalgi klubi Shotlandiyaning «Aberdin» klubi edi. O‘tgan mavsumda u jamoa uchun barcha musobaqalarda 26 ta gol urdi.