«Жирона» украиналик Артём Довбик «Рома»га сотилганидан сўнг янги марказий ҳужумчи сотиб олди. Шимолий македониялик ҳужумчи Боян Миовски каталонияликларнинг янги футболчисига айланди.
Миовски Примерада ўтган мавсум бронза медали соҳиби билан тўрт йиллик шартнома имзолади. Трансфер суммаси 8 миллион еврога баҳоланган бўлса, футболчининг "Transfermarkt" маълумотларига кўра нархи 4 миллион еврога баҳоланмоқда. Шимолий македонияликнинг аввалги клуби Шотландиянинг «Абердин» клуби эди. Ўтган мавсумда у жамоа учун барча мусобақаларда 26 та гол урди.
