Kilian Mbappening debyut goli butun "Real Madrid" jamoasi uchun yubiley goliga aylandi.
"Los-Blankos" safiga yangi kelgan fransiyalik futbolchi yaqinda UYEFA Superkubogi uchun o‘tkazilgan o‘yinda (2:0) “Atalanta” darvozasiga gol urib, tablodagi yakuniy hisobni o‘rnatdi. Madrid Zone nashrining La Galerna nashriga tayanib xabar berishicha, bu gol "Real Madrid" tarixidagi 10 000-gol bo‘ldi. Federiko Valverde o‘sha goldan 9 daqiqa oldin madridliklarning 9999-golini kiritgan.