"Arsenal" bosh murabbiyi Mikel Arteta Premyer-liganing yaqinlashib kelayotgan mavsumi haqida fikr bildirdi.

"Biz juda hayajondamiz. Biz musobaqalarni sog‘indik - bu uzoq vaqt davom etdi. Biz g‘ayratga to‘lamiz. Mavsum oldi qiyin kechdi, ammo moslasha oldik. Bu katta sinov edi. Jamoa juda o‘tkir ko‘rindi va o‘ynash istagini ko‘rsatdi. Chempion bo‘lish uchun ko‘proq rekordlar yangilashimiz va ko‘proq ochko to‘plashimiz kerak. Bu aniq. O‘tgan mavsumdagi saviya bizga yetmaydi. Biz yaxshilanishimiz kerak, chunki har bir mavsum avvalgisidan qiyinroq" - dedi Arteta jurnalistlarga.

O‘tgan Angliya chempionatida "Arsenal" "Manchester Siti"dan ikki ochko ortda qolib, ikkinchi o‘rinni egalladi.