Yarim og‘ir vaznda UFC chempioni braziliyalik Aleks Pereyra 6 oktyabr kuni Solt-Leyk-Siti shahrida bo‘lib o‘tadigan turnirda navbatdagi jangini amerikalik Xalil Rountriga qarshi o‘tkazadi.
Ushbu jang UFC 307'ning asosiy jangi bo‘ladi.
Pereyra 30-iyun kuni bo‘lib o‘tgan so‘nggi jangida chexiyalik Jiri Proxazkani ikkinchi raunddayoq nokautga uchratgan edi.
37 yoshli Pereyra MMAda 11 g‘alaba va ikkita mag‘lubiyatga uchragan va avvalroq o‘rta vaznda UFC chempioni bo‘lgan. Braziliyalik yarim og‘ir vazn toifasida chempionlikni 2023 yilning noyabrida qo‘lga kiritgan edi.
34 yoshli Rountri 13 g‘alaba va beshta mag‘lubiyatga uchragan. U ilk bor UFC chempionligi uchun kurashadi.
