«Barselona» hujumchisi Robert Levandovski «Valensiya»ga qarshi La Liganing ilk turi o‘yinida dubl qayd etdi.

35 yoshli polshalik 45+5-daqiqada hisobni 1:1 ko‘rinishiga keltirdi.

Ikkinchi bo‘lim boshida futbolchi penaltini golga aylantirib, dubl qayd etdi.

Bular futbolchining ispan jamoasi safida 96 o‘yinda urgan 60 va 61-gollari bo‘lib, uning hisobida 17 ta golli uzatma ham bor.

Hujumchiga birinchi golda Lamin Yamal assistentlik qildi va bu uning «Barsa» safidagi 52 o‘yindagi 10-assistenti bo‘ldi. Uning hisobida 7 ta gol ham bor.