"Napoli" tarkibni qayta qurishda davom etmoqda. Tez orada jamoa bosh murabbiyi Antonio Konte ixtiyorida yangi hujumkor futbolchi paydo bo‘ladi.
Neapolda omadsiz mavsumdan so‘ng jamoa yangilanish jarayonidan o‘tmoqda. Hozircha Konteda yangi himoyachilar bor: Alessandro Buondjorno, Rafa Marina va Leonardo Spinassola. Endi qanotda o‘ynaydigan futbolchilarni xarid qilish vaqti keldi. Insayder Fabrisio Romanoning xabar berishicha, "Napoli" "Benfika"dan David Neresning transferi shartlarini kelishib oldi.
Umuman olganda Neres uchun bonuslarni hisobga olganda, Italiya klubi 30 million yevro to‘laydi. Braziliyalik futbolchi transferdan oldin dushanba kuni tibbiy ko‘rikdan o‘tadi va u yangi klub bilan shartnoma imzolaydi.
27 yoshli Neres 2022 yilning yanvarida Niderlandiyaning “Ayaks” klubidan 12 million yevro evaziga “Shaxtyor”ga ko‘chib o‘tgan, biroq bu transferdan bir oy o‘tib Ukrainada keng ko‘lamli urush boshlangani uchun Donesk jamoasida debyut o‘tkazmagan. David 2022 yilning iyulida 15,3 million yevro evaziga "Shaxtyor"dan "Benfika"ga o‘tgan edi.
