Italiya terma jamoasining afsonaviy futbolchisi, hozirda “Sampdoriya” bosh murabbiyi bo‘lib ishlayotgan Andrea Pirlo futbolchilik faoliyati davomida “Oltin to‘p”ni qo‘lga kirita olmagani uchun hech qanday adolatsizlikni ko‘rmayapti.
"Ko‘pchilik meni hech bo‘lmaganda bitta "Oltin to‘p"ga loyiq deb aytishadi... Menimcha, agar Xavi va Inyesta barcha yutuqlariga qaramay, uni qo‘lga kirita olmagan bo‘lsalar, meni hattoki nomzod sifatida ham ko‘rmaslik kerak!" - dedi 45 yoshli Pirlo.
Eslatib o‘tamiz, Pirlo Italiya terma jamoasi a’zosi sifatida 2006 yili jahon chempioni bo‘lgandi. Shuningdek, u "Milan" va "Yuventus" bilan Italiyaning ichki chempionatlarida bir necha bor g‘olib chiqqan. Italiyalik futbolchi futbolchilik faoliyatini yakunlagach, "Yuventus"ni, shuningdek, Turkiyaning "Fotih Karagumruk" jamoasini boshqargan.
