Италия терма жамоасининг афсонавий футболчиси, ҳозирда “Сампдория” бош мураббийи бўлиб ишлаётган Андреа Пирло футболчилик фаолияти давомида “Олтин тўп”ни қўлга кирита олмагани учун ҳеч қандай адолатсизликни кўрмаяпти.
"Кўпчилик мени ҳеч бўлмаганда битта "Олтин тўп"га лойиқ деб айтишади... Менимча, агар Хави ва Иньеста барча ютуқларига қарамай, уни қўлга кирита олмаган бўлсалар, мени ҳаттоки номзод сифатида ҳам кўрмаслик керак!" - деди 45 ёшли Пирло.
Эслатиб ўтамиз, Пирло Италия терма жамоаси аъзоси сифатида 2006 йили жаҳон чемпиони бўлганди. Шунингдек, у "Милан" ва "Ювентус" билан Италиянинг ички чемпионатларида бир неча бор ғолиб чиққан. Италиялик футболчи футболчилик фаолиятини якунлагач, "Ювентус"ни, шунингдек, Туркиянинг "Фотиҳ Карагумрук" жамоасини бошқарган.
