"Manchester Siti" Premyer-liganing yangi mavsumini g‘alaba bilan boshladi va so‘nggi o‘n to‘rt yil ichida o‘n uchinchi marta mavsumning ochilish uchrashuvida g‘alaba qozondi. Biroq Pep Gvardiola jamoasining o‘yini odatdagidek ishonarli bo‘lmadi. "Chelsi"ga qarshi o‘yinda gollardan birining muallifi Mateo Kovachich bunga sababni tarkibda muhim o‘yinchilarning yo‘qligi bilan izohladi.
"Tarkibda muhim o‘yinchilar yetishmayapti va ularsiz har doim qiyin. Men ham ko‘p vaqtni o‘tkazib yubordim, lekin bu menga yaxshiroq tayyorgarlik ko‘rish imkoniyatini berdi. Men mavsum boshlanishiga tayyor bo‘lishni xohlardim", - deya Kovachichning so‘zlarini keltiradi Sky Sports.
Keyingi turda “Manchester Siti” “Ipsvich”ga qarshi maydonga tushadi.
