Angliyada chempionatning 1-turi o‘z nihoyasiga yetmoqda Londonning «Chelsi» klubi o‘z maydonida «Manchester Siti»ni qabul qildi va mamlakat chempioniga 0:2 hisobida imkoniyatni boy berib qo‘ydi. O‘tgan yili «Sautgempton»dan katta pulga sotib olingan futbolchi Romeo Laviya bir yil ichida ilk bor «Chelsi» uchun maydonga tushdi. U o‘yindagi voqealar va maydondagi ko‘rinishi haqida shunday dedi:
«O‘ylaymanki, o‘yinda ijobiy tomonlar ko‘p bo‘ldi. Biz ko‘plab vaziyatlar yaratdik. Biz narsalarga ijobiy qarashimiz va oldinga intilishimiz kerak. O‘tgan mavsumdagi sabr va sa’y-harakatlari uchun klub va shifokorlardan minnatdorman. Mavsum oldi o‘yinlari menga bugun yordam berdi, garchi yana jarohat olishimdan biroz qo‘rqqan bo‘lsam ham», - deya futbolchining so‘zlarini keltiradi "Sky Sports".
