Англияда чемпионатнинг 1-тури ўз ниҳоясига етмоқда Лондоннинг «Челси» клуби ўз майдонида «Манчестер Сити»ни қабул қилди ва мамлакат чемпионига 0:2 ҳисобида имкониятни бой бериб қўйди. Ўтган йили «Саутгемптон»дан катта пулга сотиб олинган футболчи Ромео Лавия бир йил ичида илк бор «Челси» учун майдонга тушди. У ўйиндаги воқеалар ва майдондаги кўриниши ҳақида шундай деди:
«Ўйлайманки, ўйинда ижобий томонлар кўп бўлди. Биз кўплаб вазиятлар яратдик. Биз нарсаларга ижобий қарашимиз ва олдинга интилишимиз керак. Ўтган мавсумдаги сабр ва саъй-ҳаракатлари учун клуб ва шифокорлардан миннатдорман. Мавсум олди ўйинлари менга бугун ёрдам берди, гарчи яна жароҳат олишимдан бироз қўрққан бўлсам ҳам», - дея футболчининг сўзларини келтиради "Sky Sports".
