Hujumchi Paulo Dibalaning "Roma"dagi kelajagi noma’lumligicha qolmoqda.
Argentinalik futbolchi Saudiyaning “Al-Qadisiya” klubidan manfaatli taklif oldi, ammo rozi bo‘lishga shoshilmayapti.
Shu bilan birga, "Roma" Dibalani sotmoqchi va futbolchi o‘z qarorini qayta ko‘rib chiqishini kutmoqda.
Gap shundaki, joriy mavsum boshidan buyon hujumchining Rim klubidagi maoshi yiliga 7 million yevroga ko‘tarildi va agar futbolchi mavsumning kamida 15 o‘yinida kamida 45 daqiqa maydonda o‘tkazsa, u holda uning shartnomasi avtomatik ravishda 2026 yilgacha xuddi shu shartlar bilan uzaytiriladi.
Moliyaviy qiyinchiliklar tufayli "Roma" hozir Paulo Dibalani sotishni afzal ko‘rmoqda. Mish-mishlarga ko‘ra, "bo‘rilar" rahbariyati jahon chempionini 15 million yevro evaziga "Al-Qadisiya"ga qo‘yib yuborishga tayyor.
