Ҳужумчи Пауло Дибаланинг "Рома"даги келажаги номаълумлигича қолмоқда.
Аргентиналик футболчи Саудиянинг “Ал-Қадисия” клубидан манфаатли таклиф олди, аммо рози бўлишга шошилмаяпти.
Шу билан бирга, "Рома" Дибалани сотмоқчи ва футболчи ўз қарорини қайта кўриб чиқишини кутмоқда.
Гап шундаки, жорий мавсум бошидан буён ҳужумчининг Рим клубидаги маоши йилига 7 миллион еврога кўтарилди ва агар футболчи мавсумнинг камида 15 ўйинида камида 45 дақиқа майдонда ўтказса, у ҳолда унинг шартномаси автоматик равишда 2026 йилгача худди шу шартлар билан узайтирилади.
Молиявий қийинчиликлар туфайли "Рома" ҳозир Пауло Дибалани сотишни афзал кўрмоқда. Миш-мишларга кўра, "бўрилар" раҳбарияти жаҳон чемпионини 15 миллион евро эвазига "Ал-Қадисия"га қўйиб юборишга тайёр.
