Butunjahon boks ittifoqi (WBC) yangilangan reytingni e’lon qildi.
Unga ko‘ra, Bahodir Jalolov WBC reytingida 9-o‘rindan va 6-o‘ringa ko‘tarildi.
O‘ta og‘ir vazn toifasida ikki karra Olimpiya o‘yinlari chempioni bo‘lgan Jalolov reytingda 3 pog‘ona ko‘tarilishga erishdi. Parij Olimpiadasida oltin medalni qo‘lga kiritgan Bahodir havaskor boksdagi faoliyatini tugatib, to‘liq professional boksga o‘tishini e’lon qildi.
Bahodir Jalolovning prof ringdagi natijasi: 14:0. 14 ta jangning barchasida o‘zbekistonlik bokschi muddatidan oldin g‘alaba qozongan.
WBC reytingida boshqa o‘zbekistonlik bokschilarning o‘rni:
Super yarim o‘rta vazn: Isroil Madrimov 3-o‘rinda;
Yarim o‘rta vazn (-66,6 kg): Shahram G‘iyosov 7-o‘rinda;
Birinchi yarim yengil vazn (-55,3 kg): Murodjon Ahmadaliyev 4-o‘rinda qoldi;
Yengil vazn (-50,82 kg): Olimjon Nazarov 35-pog‘onani band etgan;
Birinchi o‘ta yengil vazn (-47,6 kg): Hasanboy Do‘stmatov 4-o‘ringa ko‘tarilib oldi.
