Italiyaning “Atalanta” klubi hujumchisi Ademola Lukman Fransiyaning “PSJ” klubi futbolchisiga aylanishi mumkin, deya xabar bermoqda jurnalist Nikola Shkira.
Manbaga ko‘ra, nigeriyalik forvard parijliklar bilan yiliga 5 million yevro maosh oladigan besh yillik shartnomaga kelishib olgan. Qayd etilishicha, Lukman "Atalanta"da 1,8 million yevro ishlab oladi. "PSJ" rahbariyati Italiya klubi uchun birinchi transfer taklifini tayyorlamoqda.
26 yoshli hujumchi 2022 yilning avgustidan buyon "Atalanta"da to‘p tepmoqda. Bu vaqt ichida Bergamo jamoasining barcha turnirlarda 79 ta uchrashuvida qatnashib, 32 ta gol urdi va 18 ta golli uzatmani amalga oshirdi.
Lukman avvalroq “Charlton”, “Everton”, “Lester”, “Fulxem” va “RB Leypsig” klublarida ham o‘ynagan.
