«Milan» rahbariyati «Barselona»ning portugaliyalik vinger Rafael Leauni sotib olish istagiga javob qaytardi. "Gazette Dello Sport" xabariga ko‘ra, «rossonerilar» o‘z futbolchisini 175 million yevroga baholagan.

Moliyaviy qiyinchiliklarni boshidan kechirayotgan «blaugrana»lar bu mablag‘ning yarmini ham to‘lashga qurbi yetmaydi, deya xabar beradi manba.

Oldinga qo‘yilgan shartlar tufayli Leauning «Barselona»ga o‘tishi deyarli imkonsiz. Kataloniyaliklar Rafaelni Niko Uilyamsga muqobil sifatida ko‘rayotgandi.