Konor Gallaxer xayrlashuv maktubida "Chelsi" muxlislariga murojaat qildi. Yarim himoyachi 42 million yevro evaziga "Atletiko"ga o‘tdi.
“Men “Chelsi”dagi barchaga orzularimni amalga oshirgani uchun minnatdorchilik bildiraman. Bu formani har safar kiyish men uchun katta sharaf edi, sardor sifatida bir necha marta jamoani maydonga olib chiqish orzum ro‘yobga chiqdi.
Har bir daqiqadan zavqlanardim. Bu xotiralar men bilan abadiy qoladi. Muxlislar ko‘rsatgan barcha mehr va qo‘llab-quvvatlash uchun minnatdorman.
Hammasi uchun rahmat. Klubga kelajak uchun eng yaxshi tilaklarimni tilayman va sizni tez orada "Stemford Brij"da ko‘rishga umid qilaman", - deb yozadi Gallaxer.