Конор Галлахер хайрлашув мактубида "Челси" мухлисларига мурожаат қилди. Ярим ҳимоячи 42 миллион евро эвазига "Атлетико"га ўтди.
“Мен “Челси”даги барчага орзуларимни амалга оширгани учун миннатдорчилик билдираман. Бу формани ҳар сафар кийиш мен учун катта шараф эди, сардор сифатида бир неча марта жамоани майдонга олиб чиқиш орзум рўёбга чиқди.
Ҳар бир дақиқадан завқланардим. Бу хотиралар мен билан абадий қолади. Мухлислар кўрсатган барча меҳр ва қўллаб-қувватлаш учун миннатдорман.
Ҳаммаси учун раҳмат. Клубга келажак учун энг яхши тилакларимни тилайман ва сизни тез орада "Стемфорд Бриж"да кўришга умид қиламан", - деб ёзади Галлахер.
