"Bavariya" direktorlar kengashi a’zosi Karl-Xayns Rummenigge Manuel Noyerning Germaniya terma jamoasidan ketishiga izoh berdi. "Bavariya" darvozaboni Germaniya terma jamoasida 14 yil o‘ynaganidan so‘ng xalqaro faoliyatini yakunlashga qaror qildi.

"Noyer Germaniya terma jamoasidagi yorqin faoliyati tufayli allaqachon tarixga kirdi. Menimcha, u barcha davrlarning eng buyuk nemis darvozaboni. U darvozabonlar o‘yinini o‘zgartirdi, yangi bosqichga olib chiqdi, yangi standartlarni belgilab oldi. Unga butun dunyo darvozabonlari taqlid qilishdi.

2011 yilda Manuelning transferi "Bavariya" tarixidagi eng yaxshi transferlardan biri hisoblanadi. Vaziyatga Noyerning o‘zi nuqtai nazaridan qarasangiz, uning termadagi faoliyatini yakunlashi to‘g‘ri qaror. Endi u bor e’tiborini “Bavariya”ga qarata oladi va yangi mavsum avvalgisidan ko‘ra muvaffaqiyatli bo‘lishi uchun hamma narsani qiladi”, — deya Rummenigge so‘zlarini keltiradi jurnalist Maksimilian Kox.